İsrailin müdafiə naziri: Tehran hücum edəcəyi təqdirdə İrandakı enerji infrastrukturlarını hədəfə alacağıq

GADTB: İsrailin müdafiə naziri İsrael Kats sentyabrın 3-də Roş-Ha-Şana mərasimində Müdafiə Nazirliyinin əməkdaşları ilə görüşü zamanı bildirib ki, İran rejiminin İsrailə hücum etməsi İsraili bütün məhdudiyyətlərdən azad edəcək və ölkə hətta enerji infrastrukturlarını da hədəfə alacaq.

İsrailin müdafiə naziri deyib: “Enerji infrastrukturları da daxil olmaqla, bütün milli, hərbi və mülki infrastrukturları hədəfə alacağıq və İranı Daş dövrünün və qaranlığın dərinliklərinə qaytaracağıq.”

İsrailin Kan kanalı müdafiə nazirinə istinadən yazıb ki, “iqtisadi təzyiq, üsyan və hökumətin süqutu ilə bağlı narahatlıq İran rejimini çarəsizlikdən doğan addımlara sövq edə bilər”.

Kats bildirib: “İrandakı ayətullahlar rejimi yaxşı bilir ki, biz onlara iki dəfə ağır zərbə vurduqdan, nüvə proqramlarını məhv etdikdən, Xameneini öldürdükdən və onların strateji imkanlarına ciddi zərər vurduqdan sonra niyə İsrailə hücum etmirlər.”