GADTB Güney Azərbaycan Demokratik Türk Birliyi
GADTB: Qou Koroğlu (Gəçsaran) rayonunda bir qrup türk qaşqay gəncinin Liştər neft emalı zavodu layihəsində işə qəbul prosesində ayrı-seçkiliyə, ədalətsizliyə və siyasi əlaqələrin təsirinə etiraz olaraq keçirdiyi aksiya İranın təhlükəsizlik qüvvələrinin zorakı müdaxiləsi və birbaşa atəş açması ilə qarşılaşıb.
Baydaq Nyus-un məlumatına görə, sentyabrın 1-də polis qüvvələri Boirəhməd Gərmsir və Liştər bölgəsində yerli türk qaşqay əhalisinin məşğulluq hüquqlarının nəzərə alınmamasına etiraz edən gəncləri dağıtmaq üçün atəş açıb.
İnsan hüquqları mənbələri də yayımladıqları videoda birbaşa atəş səslərinin eşidildiyini bildiriblər. Məlumatlara görə, azı bir neçə etirazçı yaralanıb.
Türk qaşqayların etirazları regionda işə qəbul sahəsində uzun illərdir davam edən ayrı-seçkilik siyasətinə və neft emalı zavodlarında işə qəbul prosesinin şəffaf olmamasına etiraz olaraq bir neçə həftə əvvəl başlayıb.
Etirazçılar daha əvvəl avqustun 1-də də Qoç Koroğlu (Gəçsaran) fərmandarlığı qarşısında aksiya keçiriblər. Onlar yerli qaşqay əhalisinin əmək bazarından kənarlaşdırılmasına son qoyulmasını, işə qəbul qaydalarının şəffaflaşdırılmasını və regionda məşğulluq imkanlarının ədalətli bölüşdürülməsini tələb edirlər.
İran coğrafiyasında əmək və iş tələbləri ilə bağlı etirazlara qarşı zorakı müdaxilələrin davam etdiyi bir vaxtda beynəlxalq və insan hüquqları təşkilatları dəfələrlə sərbəst toplaşmaq hüququnun məhdudlaşdırılması, özbaşına həbslər və hökumətin sosial-iqtisadi tələblərə hərbi və zorakı vasitələrlə cavab verməsi ilə bağlı xəbərdarlıqlar ediblər.
