GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu hava limanına 6 milyard avro vəsait xərclənib. Türkiyə Prezidenti Rəcəb Tayyib Ərdoğan İstanbulun yeni hava limanına gəlib. O, burada keçiriləcək açılış mərasimində iştirak edəcək.
Ərdoğan terminala getmək üçün elektrikli avtomobil sürüb. O, bura həyat yoldaşı Əminə Ərdoğanla gəlib.
Qeyd edək ki, 76,5 milyon kvadratmetrlik ərazini əhatə edən aeroportun tikintisinə və xidmətə hazır vəziyyətə gətirilməsinə 6 milyard avro vəsait xərclənib. Hava limanının digər etaplarının açılması isə sərnişin artımından asılı olaraq 2023-cü ilə qədər tamamlanmalıdır.
İlk mərhələdə hər gün 5 uçuş və 5 enişin planlaşdırıldığı hava limanında ilk daxili reys oktyabrın 31-də Ankaraya, ilk xarici reys noyabrın 1-də Şimali Kipr Türk Cümhuriyyətinə həyata keçiriləcək. Noyabrın 8-də isə İstanbulun yeni aeroportundan Azərbaycana uçuş baş tutacaq.
