GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində azərbaycanlı milli-mədəni fəallar korona təhlükəsilə qarşılaşan azərbaybaycanlı siyasi məhbuslara azadlıq tələbilə divarlara şuarlar yazdılar.
Fəallar şəhərin duvarlarına yazdıqları şuarlarla rejimin Ərdəbildə yerləşən zindanında koronovirusun geniş yayıldığı şərayitdə həbsdə olan fəalların sərbəst buraxılmasını tələb ediblər.
Divara o cümlədən aşağıdakı şuarlar yazılıb:
“Biz Abbas Lisani üçün, Abbas Lisani xalq üçün”
“Azərbaycanlı siyasi məhkumlara ədalət”
“Mən siyasi məhbusun müdafiəçisiyəm”
“Zindanı bağlayın”
“Zindan artıq təhlükəsiz yer deyil” və s.
Qeyd edək ki, rejimin Ərdəbildə yerləşən zindanının müxtəlif bölmələrində korona virus yaılıb. Zindanın 7-ci bölməsində saxlanılan azərbaycanlı siyasi məhbus Yusif Kari və Abbas Lisaninin də korona virusa yoluxdurulduğu bildirilir. Həmçinin zindanın digər bölməsində saxlanılan azərbaycanlı siyasi məhbuslar Vasiqi qardaşları da təhlükə ilə qarşı-qarşıya qalıb.
