GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, məhkəmənin qərarına baxmayaraq, Təbrizdə rejimin Vətəndaş Vəziyyətləri Aktlarının Qeydiyyatı şöbəsi 5 aydır ki, Əmrəyə doğum haqqında şəhadətnamə verməkdən imtina edir.
Bu barədə “Balamın Adı” kampaniyasına məlumatlı mənbə bildirib.
Bildirilib ki, “uşağın ata-anası ona türkcə sevgili, sevilən və istənən mənasını verən Əmrə adını seçib. Amma Təbrizdə rejimin Vətəndaş Vəziyyətləri Aktlarının Qeydiyyatı idarəsinin Lalə şöbəsi bu ada doğum haqqında şəhadətnamə verməkdən imtina edib. Rəsmilər bu ad ad seçim sistemində olmadığı üçün ona doğum haqqında şəhadətnamə verə bilməyəcəklərini açıqlayıblar”.
Əmrənin valideynləri də idarədən Təbriz Baş Məhkəməsinin 18-ci şöbəsinə şikayət edib. Lakin Təbriz Vətəndaşlıq Dairəsi doğum haqqında şəhadətnamə vermək əvəzinə məhkəmənin qərarına etiraz edib və məhkəmə işini İnzibati Ədalət Məhkəməsinə göndərib. İnzibati Məhkəmə isə Əmrənin valideynlərinin şikayətini rədd edib.
Nəticədə belə bürokratik əngəllər nəticəsində Əmrə artıq 5 aydır ki, doğum haqqında şəhadənamə ala bilmir.
