GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Ərdəbil, Nir, Nəmin və Səreyinin məclisdəki millət vəkili Südeyif Bədri “məktəblərdə Azərbaycan türkcəsinin tədrisi” layihəsinnin müzakirəyə çıxarılacağını bildirib.
Bədri bu gün müsahibəsində bu barədə məlumat verib. O deyib: “Məktəblərdə Azərbaycan türkcəsinin tədris olunması bölgə əhalisi və yerli məsulların əsas tələblərindən biridir. Ona görə də bu məsələ öz həllini tapmalıdır. Hazırda ana dilinin tədrisi ilə bağlı layihəyə 142 millət vəkili imzalayıb. Ümid edirəm ki, layihə parlamentdə müzakirə olunduqdan sonra qəbul olunacaq və məktəblərdə türk dilinin tədris olunmasına şahid olacayıq”.
Qeyd edək ki, Bədri ilk dəfə aprel ayının 17-də məktəblərdə ana dilinin tədrisi ilə bağlı layihə hazırlandığını bildirmişdir. O qeyd etmişdir ki, bu layihə qəbul olunacağı təqdirdə məktəblərdə müxtəlif qeyri-fars millətlərin ana dilinin tədrisinə aparılmalıdır.
