GADTB Güney Azərbaycan Demokratik Türk Birliyi
GADTB: Azərbaycanlı fəal Mir Məhəmmədrza Müvəhhid ümumilikdə 6 il 4 ay müddətinə azadlıqdan məhrumetmə cəzasının icrası üçün Təbriz Mərkəzi Həbsxanasına köçürülüb.
Daxil olan məlumatlara görə, hökm Təbriz İnqilab Məhkəməsinin 2-ci şöbəsi tərəfindən çıxarılıb. Movəhhəd “ölkənin təhlükəsizliyinə qarşı əlbirlik və toplantı” ittihamı ilə 3 il 7 ay, “Demokratlar qrupuna üzvlük” ittihamı ilə isə 2 il 9 ay müddətinə azadlıqdan məhrum edilib.
Mir Məhəmmədrza Müvəhhid 1402-ci ilin şəhrivər ayında (2023-cü ilin avqust-sentyabr ayları) daha 12 azərbaycanlı fəalla — Ayət Mehrəlibəyli, Əli Babayi, Davud Şiri, Araz İbrahimnejad, Əmirhüseyn Ağayi, Cavad Sudbər, Mürtəza Nurməhəmmədi, Hamid Yeganəpur, Hüseyn Azadi, Mehrdad Qadiri, İbrahim Əvəzzadə və Nasir Rəzmcu ilə birlikdə “Demokratlar qrupunun yaradılması və üzvlüyü” ittihamı ilə həbs edilmişdi.
Bu fəallar təxminən üç ay həbsdə saxlanıldıqdan sonra girov qarşılığında müvəqqəti olaraq azad edilmişdilər.
Müvəhhidin ağır həbs cəzasının icrası üçün həbsxanaya köçürülməsi son aylarda bir sıra azərbaycanlı fəalın da həbs cəzaları və məhkəmə hökmlərinin icrası ilə üzləşdiyi bir vaxtda baş verir.
