Molla rejimi Araz kənarında Ermənistanın ekoloji terroruna etiraz edən azərbaycanlıları məhkəmə edib

GADTB-nin Mətbuat Mərkəzinə daxil lan məlumata görə, irqçi fars-molla rejimi Xudafərin körpüsü yaxınlığında Ermənistanın Araz çayını çirkləndirməsinə və Ermənistanın inşa etməkdə olduğu metallurgiya zavodunun törədə biləcəyi ekoloji fəlakətə etiraz etdikləri üçün iyulun 7-də həbs etdiyi azərbaycanlı milli fəalları məhkəmə edib.

İyulun 15-də Xudafərin şəhərinin prokurorluğunun 1-ci şöbəsində azərbaycanlı fəallar Mustafa Əvəzpur, Rəhim Sasani, Məhəmməd Mərdi, Məhəmməd Əlipur, Sədullah Sasani və Cəfər Noruzinin məhkəmə iclasları keçirilib.

Fəalları barədə “hökumətə qarşı təbliğat” ittihamının irəli sürülüb və barələrində çıxarılan qərarın yaxın günlərdə elan ediləcəyi bildirilib.

Qeyd edək ki, həmin azərbaycanlı fəallar iyulun 7-də həbs edilib və 28 saat dindirildikdən və döyüldükdən sonra girov qarşılığınfa müvəqqəti olaraq məhkəməyə qədər zaminə buraxılmışdılar.