GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Azərbaycan Mədəni Universitetinin öyrəncilərini İntizam Komitəsinə çağırıb.
Son bir həftə ərzində universitetin 20-yə yaxın öyrəncisi İntizam Komitəsinə çağrılaraq, təhdid ediliblər.
Öyrəncilər son ayların etirazlarından sonra Azərbaycan Mədəni Universitetinin təhlükəsizlik şöbəsinin şikayəti ilə aşağıdakı ittihamlarla qarşılaşıblar:
– Bütün universitet işlərini və proqramlarını pozmaq, kəsmək və ya narahat etmək;
– Öyrənci vəzifələrinə əməl etməmək;
– İslami və ya milli ayinləri, müqəddəs şeyləri, ölkənin rəsmi dinlərini təhqir etmək və ya İslam Respublikası sisteminə qarşı hərəkətlər etmək;
– Kütləvi iğtişaşlar yaratmaq və iştirak etmək.
Qeyd edək ki, molla rejimi kütləvi etirazlardan sonra universitet öyrəncilərinə təzyiq göstərib, onların bir sırasını müəyyən müddət təhsildən məhrum edib.
