Molla rejimi azərbaycanlı fəalı 12 gündür qeyri-müəyyən vəziyyətdə həbsdə saxlayır

GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı fəalı 12 gündür qeyri-müəyyən vəziyyətdə həbsdə saxlayır.

Ərdəbildən olan azərbaycanlı fəal Yusif Kari 12 gündür ki, “ictimaiyyətdə çaşqınlıq yaratmaq” ittihamı ilə saxlanılaraq Ərdəbil mərkəzi zindanına aparılıb.

Azərbaycanlı milli fəalın ailəsinə yaxın mənbənin bildirdiyinə görə, Yusif Kari səyyar satıcılıqla məşğul olduğu vaxt hökumət qüvvələri tərəfindən zor tətbiq edilməklə saxlanılıb.

Ərdəbil məhkəməsində “ictimai fikri çaşdırmaq”da ittiham olunan milli fəal 500 milyon tümənlik girov təyin olunmasına baxmayaraq, hələ də Ərdəbil zindanında qərarsız vəziyyətdə saxlanılır və hakim onun azadlığa buraxılmasına razılıq vermir.