GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimin mətbuatının Azərbaycanda keçiriləcək COP29-a qarşı təbliğatı davam edir.
Molla rejimin irqçi ideyasının təbliğatçılarından olan “Məşrəq” qəzeti Bakıda keçirilən COP29 iqlim sammitində Pezeşkianın iştirak etmə ehtimalına qarşı məqalə yazıb.
“Günün təhlili” başlığı ilə dərc olunan bu məqalədə iqlim sammitlərinin əsasən İranın maraqlarına zidd olduğu və İranın fosil enerji istehsalçısı olduğu bildirilib, İranın belə sammitlərə qarşı öhdəliyinin olmamasının vacibliyi vurğulanıb.
Məqalədə Pezişkianın Bakıya səfər edəcəyi təqdirdə “sionistlər” ilə görüşə biləcəyindən və İham Əliyevlə şəkil çəkdirməsindən narahatlıq ifadə edilib.
Qeyd edək ki, bir neçə gün əvvəl Kayhan qəzetində Əli Xamneyinin nümayəndəsi Hüseyn Şəriətmədari də oxşar fikirlər bildirmişdi.
