GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi koronavirus təhlükəsilə bağlı bir ay məzuniyyətə buraxdığı azərbaycanlı milli-mədəni fəal Yusif Karinin zindana qaytarılmasından sonra artıq onu Ərdəbil zindanının 16-cı bölməsinə köçürüb.
Azərbaycanlı fəal ailəsi ilə telefon əlaqəsində bu haqda məlumat verərək deyib ki, Ərdəbil mərkəzi zindanının 16-cı bölməsi məzuniyyətdən qayıdan məhbuslar üçün karantin kamerası kimi ayrılıb və o da həmin bölmədədir.
Qeyd edək ki, zindanlarda yayılan koronavirus təhlükəsinin davam etməsinə baxmayaraq Yusif Kari mayın 21-də barəsində çıxarılmış iki illik həbs cəzasının qalan hissəsini çəkmək üçün zindana qaytarılmışdır.
Fəaı martın 31-də vəsiqə girov qoymaqla zaminə buraxılmışdı.
Yusif Kari 2019-cu il sentyabrın 3-də mülki geyimli şəxslər tərəfindən yaxalanmışdır. Fəal sonralar rejimin Ərdəbildə yerləşən İnqilab Məhkəməsinin 1-ci şöbəsində 6 il həbs cəzasına məhkum edilmiş, daha sonra isə Apellyasiya Məhkəməsi həbsi 2 ilə endirmişdir.
