GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, irqçi fars-molla rejimi Evin zindanında həbsdə saxladığı 4 nəfər azərbaycanlı fəalı mühakimə etdi.
Tehranın Evin zindanında həbsdə saxlanılan azərbaycanlı milli fəallar Murtaza Pərvin, Hüseyn Piri, Tahir Nəqəvi və Kərəm Mərdanənin istintaq prosesi keçirilib.
Məlumata görə, onlar aprelin 14-də Tehran şəhər Prokurorluğunun 5-ci İstintaq şöbəsində istintaq olunaraq özlərini müdafiə ediblər.
Müstəntiq azərbaycanlı fəal və rəssam Murtaza Prəvinə barələrində irəli sürülən ittihamlarla razılaşarlarsa, zaminə çıxmalarına icazə verəcəyini deyib.
M.Pərvin isə cavabında bildirib: “Mənə qarşı qanunsuz açılmış iş ETTELAAT-ın əvvəlcədən hazırladığı ssenaridir. İndiyədək etmədiyim əməllərə görə barəmdə əsassız və qanunsuz ittihamlarla iş açılıb”.
Müstəntiq cavab olaraq deyib: “İndiyədək ifadə verməyibsən. Ancaq indi deyirəm ki, səni uzunmüddətli həbs gözləyir”.
Qeyd edək ki, irqçi fars-molla rejimi Ərdəbildə azərbaycanlı fəal Murtəza Pərvini həbs etməyə cəhd etmişdi. Bu məqsədlə molla rejiminin məmurları oktyabrın 27-də Ərdəbildə heç bir məhkəmə qərarı olmadan azərbaycanlı milli fəal Mürtəza Pərvinin ata evinə hücum edib və axtarış aparmışdılar.
Azərbaycanlı fəal özü evdə olmadığına üçün məmurlar fəala məxsus şəxsi əşyaları, o cümlədən kompüter və onun kitablarını müasdirə edərək, özləri ilə aparıblar.
İrqçi fars-molla rejimin Ərdəbildəki ETTELAAT məmurları ondan neçə gün öncə Ərdəbildə azərbaycanlı milli fəal Murtəza Pərvinə zəng edərək onun ETTELAAT İdarəsinə çağırmışdılar.
Lakin Murtəza Pərvin bunun qanunsuz olduğunu və məhkəmə tərəfindən rəsmi çağırış göndərilmədiyini tələb edərək, ETTELAAT İdarəsinə getməkdən imtina edib.
Azərbaycanlı fəal bundan öncə də dəfələrlə təzyiqlərə məruz qalmışdı. O, 44 günlük İkinci Qarabağ müharibəsi dövründə Azərbaycan ordusuna dəstək və İranın Ermənistana yardımlarına etiraz aksiyasında iştirak etdiyinə görə, Ərdəbilin Ciral parkında yaxalanmışdı.
