İran XİN: “Azərbaycanın Tehrandakı səfirliyinin diplomatik fəaliyyətinin bərpası üçün hazırlıq görülüb”

GADTB: Bu gün İran Xarici İşlər Nazirliyinin sözçüsü Naser Kənani jurnalistlərlə keçiridiyi mətbuat konfransında Azərbaycanın İrandakı səfirliyinin açılması ilə bağlı son vəziyyət haqqında deyib:

“Azərbaycan Respublikasının Tehrandakı səfirliyinin diplomatik fəaliyyətinin bərpası istiqamətində müsbət addımlar atılıb. Xarici işlər nazirləri səviyyəsində uğurlu danışıqlar aparılıb.

Azərbaycanın diplomatik nümayəndə heyəti bu ölkənin Tehrandakı səfirliyinin fəaliyyəti ilə bağlı hazırlıq işləri ilə tanış olmaq üçün İrana səfər etmişdi. İkitərəfli siyasi və diplomatik əməkdaşlığın canlandırılması və səfirliyin diplomatik fəaliyyətinin bərpasına dair fikir birliyi var”./ Azad İran