GADTB Güney Azərbaycan Demokratik Türk Birliyi
GADTB: Qəşqay türklərinin dili və kimliyini müdafiə edən mədəni fəal Behnam Vəziri Niya Tehranın İnqilab Məhkəməsi tərəfindən 18 il müddətinə azadlıqdan məhrum edilib.
Məhkəmə tərəfindən ona qarşı “milli təhlükəsizliyə qarşı toplaşma və sövdələşmə”, “rəhbərə təhqir”, “Qayı partiyasına üzvlük”, “rejim əleyhinə təbliğat” və “İsraili dəstəkləmək” kimi ittihamlar irəli sürülüb.
Vəziri Niya iyun ayında həbs edilib və Evin həbsxanasında 75 günlük saxlanmadan sonra, qısa və qapalı məhkəmə iclasında bu ağır cəza ilə qarşılaşıb.
Ailəsinə yaxın mənbələrin bildirdiyinə görə, onun əleyhinə heç bir real dəlil yoxdur və bütün ittihamlar siyasi xarakter daşıyır.
Onun həbsi, Qəşqay mədəniyyətinin dövlət qurumları tərəfindən mənimsənilməsinə qarşı çıxışlarından sonra baş verib.
