GADTB Güney Azərbaycan Demokratik Türk Birliyi
GADTB: Bakıda İkinci Qarabağ müharibəsinin qələbəsinin 5-ci ildönümünə həsr olunmuş təntənəli Zəfər Günü paradı keçirilib. Tədbirdə Türkiyə prezidenti Rəcəb Tayyib Ərdoğan və Pakistanın Baş naziri Şahbaz Şərif də iştirak ediblər.
Paradda çıxış edən Azərbaycan Prezidenti İlham Əliyev Türkiyənin müharibənin ilk saatlarından Bakıya göstərdiyi siyasi və mənəvi dəstəyi yüksək qiymətləndirib:
“Rəcəb Tayyib Ərdoğan İkinci Qarabağ müharibəsinin ilk saatlarından Azərbaycana, xalqımıza və ordumuza dəstəyini ifadə edib. Onun göstərdiyi siyasi və mənəvi dəstək bizə güc və ilham verdi. Bugünkü paradda türk hərbçilərinin iştirakı birliyimizin daha bir təzahürüdür”.
Prezident xatırladıb ki, müharibədən bir il sonra Şuşada imzalanmış Şuşa Bəyannaməsi Azərbaycan–Türkiyə münasibətlərini müttəfiqlik səviyyəsinə yüksəldib./ Azad İran
