GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejim ötən ilin sentyabr ayı etirazlarında Qəzvində güllələdiyi Cavad Heydərinin daha bir qardaşını həbs edib.
Cavad Heydərinin bacısı Fatimə Heydəri bununla bağlı məlumat paylaşıb.
Fatimə Heydəri yazıb: “Qardaşım Cavad Heydərinin öldürülməsindən sonra ailəmizə təzyiqlər davam edir.
Qardaşlarım Məhəmməd, Höccət və Mustafanın həbsindən, mənim işdən qovulmağımdan sonra dördüncü qardaşım Ruhullah Heydəri də təhlükəsizlik məmurları tərəfindən həbs olundu. Onun həbsinin səbəbləri barədə heç bir açıqlama verilmir.
Bütün təzyiqlərə baxmayaraq, öldürülən qardaşımızın qanından keçməyəcəyik”,- bildirib.
Qeyd edək ki, Cavad Heydəri sentyabrın 22-də Qəzvin şəhərində molla rejiminin məmurlarının açdığı atəş nəticəsində həyatını itirmişdir.
