Çərşənbə , Aprel 17 2024
azfa

Molla rejimi Təbrizdəki Azərbaycan konsulluğunu da hədəf alıb

GADTB-nin Mətbuat Mərkəzinə daxil olan məlumata görə, İranda Azərbaycanın Təbrizdəki Baş Konsulluğunun bağlanması çağırışı edilib.

Azərbaycana qarşı iddiaları ilə tanınan molla rejiminin Azərbaycana qarşı yetişdirdiyi məmuru Bərhan Heşməti “Səhər tv”-də çıxışı zamanı Təbriz konsulluğunun bağlanmasına çağırıb.

“Əgər Tehranı təhlükəli hesab edir və səfirliyi boşaldırlarsa, onda Təbrizdəki konsulluğu da tez boşaltsınlar. Təbriz ondan da təhlükəli ola bilər”, – Heşməti deyib.

İranlı ekspert “Təbrizdəki konsulluğun ziyanlı hərəkətlərinin təfərrüatlarını bilirik” iddiası ilə Cənubi Azərbaycandakı soydaşlarımıza dəstək məsələsinə işarə edib.

Bu fikirlər Azərbaycanın Təbrizdəki Baş Konsulluğuna qarşı da təhlükəli addımların atıla biləcəyi riskini artırır. Tehranda Azərbaycan səfirliyinə terror aktından öncə hücumun edilməsi ilə bağlı çağırışlar səsləndirilmişdi. İndi hədəfdə Təbrizdəki Baş Konsulluq ola bilər.

Həmçinin yoxlayın

Rus sülhməramlıların Azərbaycan ərazisindən vaxtından əvvəl çıxarılması barədə qərar qəbul edilib

GADTB: 2020-ci il noyabrın 10-da imzalanmış üçtərəfli Bəyanata əsasən, Azərbaycan Respublikasının ərazisində müvəqqəti olaraq yerləşdirilmiş …

Yunanıstanlı nazirdən Türkiyənin pilotsuz uçuş aparatları sahəsində çox inkişaf etdiyinə etiraf

GADTB: Yunanıstanın müdafiə naziri Nikos Dendias Türkiyənin pilotsuz uçuş aparatlarının (PUA) istehsalında çox irəlilədiyini, lakin …