Molla rejimi Vərziğanda azərbaycanlı fəalı həbs edib

GADTB-nin Mətbuat Mərkəzinə daxil olan məlumata görə, Güney Azərbaycanın Süngün mis mədəninin işçisi, ekofəal və işçi fəalı İsmayıl Heydəri molla rejimi tərəfindən həbs edilib.

Azərbaycanlı işçinin Vərziğan şəhərinin prokuroru Yasin Xakpəraqinin qərarı ilə həbs edildiyi bildirilir.

İsmayıl Heydərinin ətraf mühitin mədən istismarçıları tərəfindən məhv edilməsinə və işçilərin işdən qovulmalarına etiraz etdiyi üçün həbs edildiyi bildirilir.

Qeyd edək ki, bundan əvvəl Süngün Mis Mədənindəişləyən azərbaycanlı işçilər əmək haqlarının azlığına, əmək haqlarının uzun müddət ödənilmədiyinə görə dəfələrlə etiraz aksiyası keçirib, işi dayandırmışdılar. Etirazlara qatılan onlarla işçi işdən qovulub və ya bir neçəsi saxta ittihamlarla həbs edilmişdi.