Molla rejimi zorla azərbaycanlı körpə “Sevda”ya “Sudi” adın doğum haqqında şəhadətnamə veriblər

GADTB-nin Mətbuat Mərkəzinə daxil olan məlumata görə, irqçi fars-molla rejimin Zəngandakı Vətəndaş Vəziyyıtlərinin Qeydiyyatı İdarəsinin işçiləri Sevda adını doğum haqqında şəhadətnaməyə bilərəkdən Sudi kimi yazıblar.

Azərbaycanlı körpənin anası Raziyə Ocaği Balamın Adı kampaniyasına müsahibəsində bununla bağlı deyib: “Qızım 2013-cü ildə anadan olub və onun adını Sevda qoymuşduq. Vətəndaş Vəziyyıtlərinin Qeydiyyatı İdarəsinin əməkdaşları yoldaşıma bildiriblər ki, həmzə işarəsi ilə bu ada doğum haqqında şəhadətnamə verə bilməzlər, çünki sistem həmzə işarəsini qəbul etmir. Qızımın adını düzəltmək üçün 2 il çalışdıq, ancaq əməkdaşlar bizim xahişimizi rədd etdilər”.

Çarəsiz ananın sözlərinə görə, 9 ildən sonra qızcığaz 4-cü sinifdə oxuyanda sözügedən idarə ailəni uşağa Sudi adını qoymağa məcbur edib.

Qeyd edək ki, irqçi fars-molla rejimi Azərbaycan türklərinə öz övladlarına öz dillərində ad qoymağı qadağan etməklə, bu millətin milli kimliyiniu məhv etməyi qarşıya məqsəd qoyub.