Molla rejimin həbs etdiyi Təbrizdə teatr sənətçisi Həsən Həsənzadədən heç bir məlumat verilmir

GADTB: Həsən Həsənzadə, Təbrizdə fəaliyyət göstərən teatr sənətçisi, təxminən iki həftə əvvəl Təbriz şəhərində İran İslam Respublikasının Kəşfiyyat Nazirliyinin əməkdaşları tərəfindən saxlanılıb. Saxlanıldığı vaxtdan bu günədək onun harada saxlanılması, səhhət durumu və irəli sürülən mümkün ittihamlar barədə heç bir rəsmi və ya dəqiq məlumat açıqlanmayıb.

Məlumatlara əsasən, bu saxlanma aydın və təqdim edilmiş məhkəmə qərarı olmadan həyata keçirilib. Həsən Həsənzadənin ailəsi də saxlanıldığı gündən bəri ondan heç bir xəbər və ya əlaqə ala bilmədiklərini bildirir.