Molla rejimin zənginləşdirilmiş uran ehtiyatını təhvil verib, verməyəcəyi barədə ziddiyyətli xəbərlər yayılıb

GADTB: Bu gün “The New York Times” qəzeti ABŞ rəsmilərinə istinadən yazıb ki, İran Vaşinqtonla mümkün sülh razılaşması çərçivəsində yüksək dərəcədə zənginləşdirilmiş uran ehtiyatlarından imtina etməyə razılaşıb.

Nəşrin məlumatına görə, ABŞ və İran arasında müzakirə olunan mümkün razılaşmanın dəqiq detalları hələ tam müəyyənləşməyib.

Adı açıqlanmayan amerikalı rəsmilər bildiriblər ki, Vaşinqton ilkin razılaşmanın əsas şərtlərindən biri kimi Tehrandan uran ehtiyatları ilə bağlı açıq öhdəlik tələb edir.

İki ABŞ rəsmisinin sözlərinə görə, təklif olunan razılaşmanın əsas elementlərindən biri İranın yüksək səviyyədə zənginləşdirilmiş uran ehtiyatlarını təhvil verməsidir.

Molla rejimi rəsmiləri isə ümumiyyətlə nüvə məsələsinin müzakirə mövzusu olmamasını bildirirlər.