Molla rerjimin həbs etdiyi azərbaycanlı fəal Kərim İsmailzadənin həyatı təhlükədədir

GADTB: irqçi fars-molla rejimin həbs etdiyi azərbaycanlı fəal Kərim İsmailzadənin həyatı təhlükədədir.

Azərbaycanın tanınmış hüquqşünas və vəkili Sina Yusifi özünün sosial media hesabında Kərim İsmailzadənin durumundan narahatlığını bildirib və Təbriz rejimin zindanında həbsdə olan bu azərbaycanlı fəalın vəziyyətinin araşdırılmasını istəyib.

Sina Yusifi yazıb: “Azərbaycanlı siyasi fəal Kərim İsmailzadə xəstəliyinə və ağır mədə xorasına baxmayaraq, iki aydan artıqdır ki, Təbriz zindanının 5-ci palatasında qeyri-müəyyən müddətə saxlanılır. O ailəsi ilə görüşmək və normal müalicə almaq hüquqlarından məhrum edilib.”

Qeyd edək ki, tanınmış azərbaycanlı fəal və idmançı Kərim İsmailzadə əvvəllər ekoloji fəaliyyətinə və Urmiya gölünün qəsdən qurudulmasına etiraz etdiyinə görə həbs cəzasına məhkum edilmişdi. O bir müddət Təbriz həbsxanasında həbsdə saxlandıqdan sonra azadlığa buraxılmışdı. Hazırda da molla rejimi azərbaycanlı fəalı milli-mədəni fəaliyyətlərinə görə həbs edib.