GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, son zamanlar rejimin Azərbaycanın qərb bölgəsində planlaşdırması ilə Sulduzdan məclisə millət vəkili seçilən kürd olan Əbdülkərim Həsənzadə Sulduzun tarixi adını təhrif edərək Nəqədə şəklində işlədilməsini istəyib. O hətta azərbaycanlıların və bir sıra yerli məsulların Sulduz adını işlətməsindən qəzəblənib.
Lakin mövcud olan bütün tarixi sənədlərdə Azərbaycanın bu bölgəsinin adının Sulduz olduğu heç kimə sirr deyildir. Hətta Səfəvi dövrü mənbəsi olan Aləmarayi Abbasidə də həmin yerin adı Sulduz kimi qeyd edilib.
Qeyd edək ki, Pəhləvi hakimiyyəti dövründə onların antitürk və Antiazərbaycan siyasəti ilə Güney Azərbaycanda yer adları dəyişdirilmiş və həmin dövrdə Sulduzun da adının Nəqədə şəklində təhrif edildiyi məlumdur. Lakin yerli əhali bu bölgə və şəhərin adını qədimdən olduğu kimi Sulduz şəklində istifadə edirlər. Mühacir kürdlər isə yer adlarını dəyişib yenicə köçdükləri Azərbaycan ərazilərinə iddia etməyi qarşıya məqsəd qoyublar.
