GADTB Güney Azərbaycan Demokratik Türk Birliyi
GADTB: Rəssam və Azərbaycan Milli Hərəkatının fəalı Murtəza Pərvinin həbsindən 10 gün keçməsinə baxmayaraq, onun vəziyyəti ilə bağlı hələ də heç bir məlumat yoxdur. Ailənin oğlunun vəziyyəti ilə bağlı çoxsaylı sorğuları da cavabsız qalıb.
Fevralın 14 və 15-də çərşənbə günü Murtəza Pərvinin atası oğlunun vəziyyətini izləmək üçün Evin prokurorluğuna getmiş və ailənin oğlunun fiziki sağlamlığından və bel diski xəstəliyi ilə bağlı onun sağlıq durumundan narahat olduğunu israrla bildirmişdir. Lakin rejimin prokuroru saatlarla müəttəl etdikdən sonra azərbaycanlı fəalın atasına cavab verərək övladının burada olmadığını bildiriblər.
Qeyd edək ki, irqçi fars-molla rejimi Ərdəbildə azərbaycanlı fəal Murtəza Pərvini həbs etməyə cəhd etmişdi.
Bu məqsədlə molla rejiminin məmurları oktyabrın 27-də Ərdəbildə heç bir məhkəmə qərarı olmadan azərbaycanlı milli fəal Mürtəza Pərvinin ata evinə hücum edib və axtarış aparmışdılar.
Azərbaycanlı fəal özü evdə olmadığına üçün məmurlar fəala məxsus şəxsi əşyaları, o cümlədən kompüter və onun kitablarını müasdirə edərək, özləri ilə aparıblar.
İrqçi fars-molla rejimin Ərdəbildəki ETTELAAT məmurları ondan neçə gün öncə Ərdəbildə azərbaycanlı milli fəal Murtəza Pərvinə zəng edərək onun ETTELAAT İdarəsinə çağırmışdılar.
Lakin Murtəza Pərvin bunun qanunsuz olduğunu və məhkəmə tərəfindən rəsmi çağırış göndərilmədiyini tələb edərək, ETTELAAT İdarəsinə getməkdən imtina edib.
Azərbaycanlı fəal bundan öncə də dəfələrlə təzyiqlərə məruz qalmışdı. O, 44 günlük İkinci Qarabağ müharibəsi dövründə Azərbaycan ordusuna dəstək və İranın Ermənistana yardımlarına etiraz aksiyasında iştirak etdiyinə görə, Ərdəbilin Ciral parkında yaxalanmışdı.
