GADTB Güney Azərbaycan Demokratik Türk Birliyi
GADTB: İsrailin Baş naziri Binyamin Netanyahu i24 kanalına müsahibəsində bildirib ki, İsrail nəhayət “ahtapotun başı”, yəni İran rejimi ilə qarşı-qarşıya gəlib və “şər oxu”nu ciddi şəkildə hədəfə alıb.
O vurğulayıb ki, İsrail pilotları daha əvvəl İranda olublar və “istənilən an” yenidən orada ola bilərlər. Netanyahu əlavə edib ki, onun rəhbərliyi altında İsrailin bütün dövlət strukturları İran rejiminin məğlub edilməsi və devrilməsi istiqamətində fəaliyyət göstərir.
Binyamin Netanyahu:
— Seçkilərdən sonra başqa bir şəxsin başqa bir yerdə İran məsələsinə cavabdeh olacağı vəziyyətdən narahatsınız?
— Bu, xalqın seçimidir. Amma düşünürəm ki, başa düşülməsi vacib olan məsələlərdən biri də budur.
Demək istədiyim odur ki, sonda biz İranla, ahtapotun başı ilə qarşılaşacağıq, qollarını kəsəcəyik və bu şər oxunu ağır şəkildə zədələyəcəyik. Biz bunu çox böyük güclə etdik.
Bizim pilotlarımız orada olublar və onlar istənilən an yenidən orada ola bilərlər.
— Bunu İranla hazırkı gərginliyin artması fonunda deyirsiniz? Yəni onlar istənilən an orada ola bilərlər?
— Bəli, onlar istənilən an orada ola bilərlər.
Biz bu rejimi məğlub edəcəyik.
— Məğlub etmək deyəndə nəyi nəzərdə tutursunuz? Rejim süqut edəcək?
— Süqut edəcək. Biz onu devirəcəyik.
— Mossad rəhbəri Roman Qafmanın İranda rejimin devrilməsi istiqamətində fəaliyyət göstərdiyini deyirsiniz?
— Mənim rəhbərliyim altında bütün strukturlarımız bu rejimin devrilməsi və məğlub edilməsi istiqamətində fəaliyyət göstərir.
