BMT Təhlükəsizlik Şurası: İranda əhali hakimiyyətin qərarlarının qurbanıdır

GADTB: Fransanın BMT-dəki səfiri və sentyabr ayında Təhlükəsizlik Şurasına sədrlik edən Jerom Bonnafont bildirib ki, iranda əhali öz hakimiyyətlərinin qəbul etdiyi qərarların və təkrarlanan kütləvi repressiya hallarının qurbanıdır.

Bonnafont jurnalistlərə müsahibəsində deyib: “Onlar illərdir İran hakimiyyətinin verdiyi qərarların və kütləvi repressiya epizodlarının qurbanıdırlar”.

O bildirib ki, İranın nüvə proqramı bu ay Təhlükəsizlik Şurasında keçiriləcək müzakirələrin əsas mövzularından biri olacaq.

“Bu ay İranla bağlı müzakirələrimizin mərkəzində nüvə məsələsi dayanacaq”, — Bonnafont deyib. “İranın nüvə öhdəliklərinə əməl etməməsini və bunun doğurduğu nəticələri nəzərdən keçirəcəyik.”

Təhlükəsizlik Şurasının bu ay İranın nüvə proqramı ilə bağlı sanksiyalar komitəsinin fəaliyyətini də müzakirə etməsi və 2025-ci ilin sentyabrında bərpa edilmiş sanksiyalarla əlaqəli ekspertlər panelinin mandatının uzadılması ilə bağlı səsvermə keçirməsi gözlənilir.