GADTB Güney Azərbaycan Demokratik Türk Birliyi
GADTB: Özbəkistan və ABŞ nüvə və radiasiya təhlükəsizliyi, lisenziyalaşdırma, yoxlamalar və fövqəladə hallara hazırlıq sahələrində əməkdaşlığın gücləndirilməsi ilə bağlı anlaşma memorandumu imzalayıblar.
Sənəd Vyanada Beynəlxalq Atom Enerjisi Agentliyinin (BAEA) Baş Konfransının 70-ci sessiyası çərçivəsində Özbəkistanın Nüvə Təhlükəsizliyi Komitəsinin sədri Əbdülvəqqas Rafiqov və ABŞ Nüvə Tənzimləmə Komissiyasının sədri Hu Nie arasında imzalanıb.
Rəsmi məlumata görə, saziş çərçivəsində məlumat və ekspert mübadiləsinin genişləndirilməsi ilə yanaşı, nüvə tənzimlənməsi, obyektlərin yoxlanılması və mümkün qəzalara cavab tədbirləri sahəsində də əməkdaşlıq həyata keçiriləcək.
Bu əməkdaşlıq Özbəkistanın nüvə enerjisi proqramının inkişafını sürətləndirdiyi bir dövrdə həyata keçirilir. Ölkənin ilk atom elektrik stansiyasının Rusiyanın dövlət şirkəti “Rosatom”un əməkdaşlığı ilə tikintisi fəal mərhələyə keçib və ilk enerji blokunun inşasına iyun ayında başlanılıb.
