GADTB Güney Azərbaycan Demokratik Türk Birliyi
GADTB: Qaşqay elxani ailəsinin üzvləri rəsmi mövqe açıqlayaraq Qaşqay elinin Rza Pəhləvini dəstəklədiyi barədə iddiaları təkzib edib və bunu tarixin təhrif edilməsi kimi qiymətləndiriblər.
Sosial mediada Qaşqay elinin Rza Pəhləvini dəstəklədiyinə dair yayılan məlumatlardan sonra elxani ailəsinin tanınmış üzvlərindən Şirin Bahadiri Qaşqayi bu iddianı rədd edib. O vurğulayıb ki, Qaşqay türk elinin həyatını itirən övladları Səttarxan, Bağırxan, Sövlətüd-Dövlə Qaşqayi kimi şəxsiyyətlərin, həmçinin Əmir Kəbir və Müsəddiq kimi tarixi fiqurların yolunu davam etdirən mübarizlər olub.
Açıqlamada qeyd edilib ki, Qaşqay elinin tarixi ad və nüfuzundan monarxiya tərəfdarı siyasi cərəyanların məqsədləri üçün istifadə olunması tarixin açıq təhrif edilməsi və bu elin istibdada qarşı mübarizəsinə hörmətsizlikdir.
Siyasi müşahidəçilər bu reaksiyanı qeyri-fars xalqlarının öz tarixi və mübarizə kimliyinin mərkəzçi siyasi cərəyanlar tərəfindən mənimsənilməsinə qarşı həssaslığının göstəricisi kimi qiymətləndirir. Onların fikrincə, bu cərəyanlar həm mövcud hakimiyyət daxilində, həm də bəzi fars mərkəzli müxalifət qüvvələrində qeyri-fars millətlərin tələblərinə oxşar yanaşma nümayiş etdirir.
