GADTB Güney Azərbaycan Demokratik Türk Birliyi
GADTB: “Axios” nəşri yazıb ki, Donald Trump administrasiyası İranla böyükmiqyaslı hərbi qarşıdurmaya əksər amerikalıların düşündüyündən daha yaxındır. Nəşrin məlumatına görə, mümkün hərbi əməliyyatlar yaxın müddətdə başlaya bilər.
Mənbələrin bildirdiyinə görə, ABŞ-nin İrana qarşı planlaşdırdığı əməliyyat lokal zərbə ilə məhdudlaşmaya bilər. Söhbət bir neçə həftə davam edə biləcək genişmiqyaslı hərbi kampaniyadan gedir. Bildirilir ki, bu ssenari ötən ay Venesuelada həyata keçirilən hədəfli əməliyyatlardan daha böyük və daha mürəkkəb olacaq.
“Axios”un məlumatında qeyd olunur ki, mümkün kampaniya ABŞ və İsrailin birgə hərbi fəaliyyəti formasında həyata keçirilə bilər. Bildirilib ki, belə bir əməliyyatın ötən ilin iyun ayında baş verən 12 günlük müharibədən daha geniş miqyaslı və İran hakimiyyəti üçün daha ciddi strateji nəticələr doğura biləcəyi ehtimal edilir.
