GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Qaşqay türklərinin milli-mədəni, siyasi və ictimai fəalları oktyabrın 1-də birgə bəyanat yayaraq, Ermənistanın Azərbaycana hərbi təcavüzünü pisləməklə yanaşı, Qarabağı və işğal altında olan digər rayonları Ermənistan işğalından azad etmək üçün hərbi əməliyyatlara başlayan Azərbaycan Ordusuna dəstək veriblər.
Qaşqayların bəyanatında yazılıb: “Biz Qaşqaylar nə qədər ki sağıq, elimizin başçısı Xosrov Xan Qaşqayi azadlıq, izzət və şərəfin müdafiəçisi olduğu kimi, biz də hər zaman Qarabağın məzlum əhalisinin müdafiəsi uğrunda canımızdan və malımızdan keçməyə hazırıq.
Bildiririk ki, Qarabağın Ermənistan tərəfindən işğal edildiyi o çətin günlərdə onlarla könüllü qaşqayi öz azərbaycanlı türk qardaşlarına yardım etmək üçün canlarını Qarabağa fəda etdikləri kimi, biz də Azərbaycan torpağının işğaldan azad olunması uğrunda camızdan keçməyə, bu yolda canfəşanlıq etməyə hazırıq”.
Qeyd edək ki, Qaşqay türkləri Güney Azərbaycanın cənub hissəsindən körfəzə qədər böyük bir ərazidə yaşaırlar.
