Qazaxıstanda Rusiya banklarının hesabları donduruldu

GADTB-nin Mətbuat Mərkəzinə daxil olan məlumata görə, Qazaxıstanın Maliyyə Bazarının Tənzimlənməsi və İnkişafı Agentliyinin rəhbəri Mədinə Əbilqasımova Rusiyanın Qazaxıstandakı törəmə şirkətlərinin hesablarına sanksiyaların tətbiqi ilə təxminən 9,2 milyard tengenin (21,5 milyon dollar) dondurulduğunu bildirib.

Bu barədə  “Informburo.kz” məlumat yayıb.

“Sanksiyalar fonunda bəzi xarici banklar “Sberbank”, “Alfa-Bank” və “Bank VTB ( Qazaxıstan )” xarici valyutada olan hesablarını bloklayıblar. Nəticədə, bankların məlumatına görə, bu bank hesablarındakı qalıqlar ümumilikdə təxminən 9,2 milyard tenge məbləğində dondurulub”, – deyə o, bildirib.