GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən iyunun 23-də yerli vaxtla saat 21:00-da qeyri-fars millətlərin fəalları irqçi fars rejimin məktəbə qəbulda fars dili testinə Twitter fırtınası ilə etiraz etdilər.
Fəallar bir neçə saat ərzində 3200-dən çox Twit paylaşaraq irqçi fars rejimin irqçi qərarına öz etirazlarını bildiriblər.
Fəallar hashtag-ları ilə Twitter fırtınasında irqçi fars rejimin Təhsil Nazirliyinin irqçi yanaşmasına kəskin etiraz edilməklə yanaşı ana dilində təhsil tələbi irəli sürüblər.
Hashtag-lardan məqsəd rejimin bu irqçi addımına etirazla yanaşı qeyri-fars millətlərin haqq səsini dünya ictimaiyyətinə çatdırmaq olub.
Qeyd edək ki, irqçi fars rejim yeni təhsil ilindən qeyri-fars millətlərin, o cümlədən Azərbaycan türklərinin uşaqlarını fars dili yetərliliyi testi keçirməklə məktəbə qəbul edir. Fars dilini sərbəst bilməyən uşaqlar isə irqçi yanaşma ilə zəka geriliyi olan uşaqlara məxsus məktəblərə göndərilir.
