Rəşt Şəhər Şurasının sədri Azərbaycanı parçalama planına etiraz edən azərbaycanlı millət vəkillərindən şikayət etdi

GADTB-nin Mətbuat Mərkəzinin əldə etdiyi məlumata görə, Rəşt Şəhər Şurasının sədri Əmir Hüseyn Ələvi Heyran gədiyini Gilan vilayətinin bir hissəsi kimi qələmə verərək, Ərdəbil və Urmiyənin məclisdəki millət vəkiləri Nadir Qazipur və Südeyif Bədridən zahiri şəkildə də olsa Azərbaycanı parçalama planına qarşı çıxdıqları üçün irqçi fars rejiminin məclisinə şikayət edib.

Həmin Gilan rəsmisi şikayətini aprel ayının 17-də məclisə təqdim edib. O iddia edib ki, guya həmin millət vəkilləri öz vəzifə həddini aşaraq, ixtilafa səbəb olmağa çalışıblar. Halbuki, Gilan rəsmiləri özləri irqçi fars rejiminin Azərbaycanı parçalama planının icraçısına çevrilərək, özləri ixtilafa səbəb olmuşlar.

Gilan rəsmiləri unudublar ki, Astaradan Rəştə qədər böyük bir ərazi Azərbaycan ərazisidir və Azərbaycandan qopardılaraq Gilana birləşdirilmişdir.