GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim əlaltıları vasitəsilə azərbaycanlı şair, müəllim və milli-mədəni fəal Bəhmən Nəsirzadə barəsində çıxarılan bəraət QƏRARINI Makıda rejimin sərhəd alayının komandanı Şirzad Hacızadənin şikayəti ilə ləğv edilib.
Rejim tərəfindən şərlənərək “İftira və yalan yaymaq”da ittiham edilən Nəsirzadəyə məhkəmə tərəfindən bəraət qərarı verilmişdi. Sarab sakini olan azərbaycanlı milli-mədəni fəalın dosyesinə bəraət hökmünü ləğv edən Makı Cəza Məhkəməsinin 2-ci şöbəsi baxacaq.
Qeyd edək ki, azərbaycanlı müəllim İranın təhsil nazirinə məktub yazaraq dərs kitablarında anti-türk və Antiazərbaycan materialları olduğuna etiraz etdiyi üçün 2 il Zəncan vilayətində yerləşən Qeydar şəhərinə sürgünə məhkum edilmişdi. Fəal bir sıra əsərlərin müəllifidir.
