GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, işğalçı fars rejim bir neçə gün öncədən Güney Azərbaycanda may ayında baş verən Milli Qiyamın 13-cü ildönümü ərəfəsində çoxsaylı azərbaycanlı milli-mədəni fəalı ETTELAAT orqanlarına çağırıb.
Güney Azərbaycanın müxtəlif bölgələrində təminən əlli nəfər fəalı ETTELAAT İdarəsinə çağırılaraq sorğu-suala tutub. Rejimin məmurları Milli Qiyamın ildönümündə fəallara xəbərdarlıq ediblər.
ETTELAAT İdarəsinə çağırılan fəallardan bəzisinin kimliyi mümkün olub. Rəsul Rəzəvi, Cavid Nəzmi, Şahin Bərzgər, Babək Hüseyni Müqəddəm, Əkbər Mühaciri, Hüseyn Məhəmmədiyan və Səccad Budaği təhlükəsizlik orqanlarına çağırılan fəallar arasındadır.
Həmin fəallardan 2 nəfəri isə ETTELAAT İdarəsinə müraciət etmədiyi üçün evdən çıxarkən rejimin təhlükəsizlik qüvvələri tərəfindən yaxalanıb, sorğu-sualdan sonra sərbəst buraxılıb.
