GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Şərqi Azərbaycan Təhsil İdarəsinin rəisi Cəfər Paşai yeni təhsil ilinin əvvəlində vilayətin bəzi məktəblərində sinaq şəklində Azərbaycan türkcəsinin tədris ediləcəyini açıqlayıb.
Paşai deyib: “Bu ilin sentyabr ayında məktəblərin açılışı ilə birlikdə Şərqi Azərbaycanın bəzi məktəblərində türk dili tədrisi başlayacaq və tələbələr həftədə iki saat cəmi 60 saat türk dili dərsi təhsil alacaqlar”.
Türk dilində təhsilin sınaq tətbiqinin rejimin Təhsil Naziri Məhəmməd Bəthainin verdiyi sərəncama əsaslandığı ehtimal edilir. Təhsil nazirinin əmrinə əsasən, ana dili təhsili ibtidai məktəbin dördüncü və orta məktəbin doqquzuncu siniflərində tədris olunacaq. Bunun isə ana dilində təhsil üçün kifayət olmadığı məlumdur.
Təlimin məzmunu və saatları hər vilayətdəki məktəblər tərəfindən müəyyən ediləcək.
