GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi farsların Təbrizin tarixi bazarını yandıracaqları ilə bağlı hədələrinə baxmayaraq rejimin Təbrizə təyin etdiyi qubernator Təbriz bazarının bir qisminin yanmasına elektrik cərəyanında qısaqapanmasından baş verdiyini iddia edib.
Təbrizin qubernatoru Behruz Məhdəvi bazardakı yanğında zərərçəkmişlərlə görüşü zamanı iddia edib: “Aparılan araşdırmalardan sonra bəlli oldu ki, yanğına səbəb elektrik cərəyanındakı qısaqapanma olub. Burada 125 mağazanın 50-100 faizi yanıb. Yanan mağazalardan yalnız 90-ı sığortalıdır”, – o bildirib.
Qeyd edək ki, Təbrizin tarixi bazarındakı yanğın mayın 8-dən 9-na keçən gecə baş verib. UNESKO-nun siyahısında olan bu tarixi abidə dünyanın ən qədim və böyük örtülü bazarı hesab edilir.
