GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən irqçi fars rejimin təyin etdiyi Qüds günündə azərbaycanlı mədəni fəallar rejim tərəfindən həbs və işgəncə qorxusunun olmasına baxmayaraq, Qarabağ və uyğur müsəlmanlarının himayə edilməsinə dair plakatlar qaldırıblar.
Güney Azərbaycanın müxtəlif şəhərlərində, o cümlədən Urmiya, Rəşt və Güney Azərbaycanın başqa şəhərlərində azərbaycanlı fəallar üzərində Azərbaycan Respublikasının ərazi bütövlüyünün dəstəklənməsi, Qarabağ müsəlmanlarının və Çin zülmünə məruz qalan uyğur türklərinin himayə edilməsi zərurətini əks etdirən şüarlar yazılmış plakatlar qaldırıblar. Onlar Qüds günündə azərbaycanlıların və uyğur türklərinin də himayə edilməli olduğuna təkid ediblər.
Hələlik bu il müsəlmanları dəstəkləyən fəalların irqçi fars rejim tərəfindən tutulmasına dair məlumat verilmir.
Qeyd edək ki, irqçi fars rejim müsəlman azərbaycanlılar və uyğur türklərinə qarşı işğalçı Ermənistan və Çini dəstəkləyir. Həmin işğalçı dövlətlərə qarşı müsəlman azərbaycanlıları və uyğur türklərini dəstəkləyən fəalları isə hər il həbs edir. Hazırda azərbaycanlı fəal İbrahim Nuri də sırf bu məsələyə görə rejim tərəfindən Tehranın Evin həbsxanasında həbsdə saxlanılır.
