GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin həbs etdiyi azərbaycanlı milli-mədəni fəal Yunis Qulizadə həbsini çəkib azadlığa çıxıb. Koronavirus təhlükəsilə bağlı iyulun 23-də 30 gün müddətinə məzuniyyətdə olan azərbaycanlı milli-mədəni fəalın həbs müddəti bitib.
Avqustun 22-də Təbriz zindnına gedən fəalın məzuniyyət müddəti 9 gün daha uzadılıb və həbs müddətinin bitdiyi bildirilib.
Təbriz sakini olan milli fəal iyunun 1-də 3 aylıq həbs cəzasının icrası üçün Təbriz zindanına salınmışdı.
Qeyd edək ki, Yunis Quluzadə şərlənərək rejimin Təbrizdəki İnqilab Məhkəməsinin 3-cü şöbəsi tərəfindən “Milli təhlükəsizliyi pozmaq” və “Sistem əleyhinə təbliğat aparmaq” ittihamları ilə 6 ay həbs cəzasına məhkum edilmişdir.
Fəal rejim Təbrizdəki Apelyasiya Məhkəməsinin 1-ci şöbəsi tərəfindən “sistemin əleyhinə təbliğat aparmaq” ittihamı ilə 91 gün həbsə məhkum edilib.
Yunis Quluzadə 2019-ci il aprelin 24-də Təbrizdə rejimin ETTELAAT qüvvələri tərəfindən yaxalanmışdır. O bir gün sonra 50 milyon tümən dəyərində mülki vəsiqə qarşılığında zaminə buraxılmışdır.
