GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin ana dili hüququ uğrunda mədəni mübarizəsinə görə həbs etdiyi zərbaycanlı milli-mədəni fəal Həmid Mənafi Nadarlı ıəmək haqqı çekini zəmanət qoymaqla məzuniyyətə buraxılıb.
Azərbaycanlı milli fəal sentyabrın 16-da müvəqqəti sərbəst buraxılıb.
Bundan öncə isə həmin dosye ilə əlaqədar rejimin həbsə etdiyi digər milli fəal Behnam Şeyxi də dünən məzuniyyətə buraxılıb.
Qeyd edək ki, bir müddət əvvəl Tehran Apellyasi Məhkəməsinin 54-cü şöbəsi Əkbər Azad, Əlirza Fərşi, Behnam Şeyxi və Həmid Manafi Nadarlını Beynəlxalq Ana Dili Günü mərasimində iştirak etmək ittihamı ilə yaxalayıb, bir neçə gün sonra zaminə buraxmışdır. Həmçinin apellyasiya məhkəməsi heç bir günahı olmayan həmin fəalların hər birini 2 il həbs və 2 il sürgün cəzasına məhkum edib.
Həmin azərbaycanlı fəallar 2014-cü ildə Tehranın yaxınlığında yerləşən Nəsimşəhrdə Beynəlxalq Ana Dili Günü mərasiminə qatıldıqları üçün rejimin Baharistan İnqilab Məhkəməsinin 1-ci şöbəsi tərəfindən toplam olaraq 45 il həbs və 8 il sürgün cəzasına məhkum edilmişdilər.
