GADTB-nin Mətbuat Mərkəzinə daxil olan məlumata görə, martın 13-də Rəşt şəhərin ETTELAAT İdarəsinə çağrılan azərbaycanlı milli fəal Yaşar Nikru zaminə buraxılıb.
Rəşt şəhərində yaşayan azərbaycanlı fəal Yaşar Nikru martın 13-də ETTELAAT İdarəsinə çağrılaraq dindirildikdən sonra məhkəməyə aparılıb.
Rəşt şəhərinin Ümumi və İnqilab Məhkəməsi milli fəala qarşı “hökumət əleyhinə təbliğat fəaliyyətləri” ittihamı irəli sürüb və 80 milyon tümən girov qarşılığında müvəqqəti olaraq sərbəst buraxılmasına qərar verib.
Yaşar Nikru bundan öncə 2019-cu ildə də dinc mədəni fəaliyyətlərinə görə saxlanəlmış və təzyiqlərə məruz qalmışdır.
Yaşar Nikru sonuncu dəfə Rəştdə irqçi fars rejimin ETTELAAT İdarəsi tərəfindən tutulmuşdu. Fəal 16 gün saxlandıqdan sonra zaminə buraxılmışdır.