GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin təhlükəsizlik məmurları azərbaycanlı mədəni fəal Zeynəb Həmrəngi yaxalayıb.
Rejimin məmurları yanvarın 14-də fəalın Tehrandakı mənzilinə hücum çəkib, evdə axtarış apardıqdan sonra Zeynəb xanım Həmrəngi qızı ilə birlikdə həbs ediblər.
Məmurlar həmçinin azərbaycanlı xanım fəala məxsus bəzi şəxsi əşyaları da müsadirə ediblər.
Azərbaycanlı xanım fəalın qızı həmin gün axşam sərbəst buraxılsa da, o hələ də həbsdə saxlanılır. Hələ ki, fəalın nə səbəbdən tutulması ilə bağlı məlumat veilmir.
Qeyd edək ki, rejim son vaxtlar Tehranda yaşayan azərbaycanlı milli-mədəni fəallara qarşı təzyiqləri artırıb. Son günlər çoxlu sayda azərbaycanlı fəal yaxalanaraq həbsxanaya salınıb.
Həmçinin rejimin təhlükəsizlik qüvvələri Tehranda türkcə kitablar nəşr edən “Əndişeyi no” və “Təkderəxt” nəşriyyatlarını da bağlayıb.
