GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Sanksiyalara davam gətirə bilməyən irqçi və işğalçı fars rejim ABŞ-dan BMT-nin Beynəlxalq məhkəməsinə şikayət etdi.
BMT-nin Beynəlxalq məhkəməsi iki ölkə arasında araşdırma aparılan müddət ərzində ABŞ-a qarşı müvəqqəti tədbirlər görülməsi barədə İran adlanan ölkənin iddiasını qismən təmin edib.
Müvafiq qərar oktyabrın 3-də məhkəmənin sədri Abdulkavi Əhməd Yusif tərəfindən elan edilib. Onun sözlərinə görə, ABŞ mayın 8-də tətbiq etdiyi sanksiyaların İranın humanitar sahəsinə və mülki aviasiyasına zərər vurmamasını təmin etməlidir. Bundan başqa, məhkəmə hər iki tərəfi fikir ayrılığının dərinləşməsinə səbəb olacaq fəaliyyətlərdən çəkinməyə çağırıb.
Abdulkavi Əhməd Yusif, həmçinin xatırladıb ki, BMT-nin Beynəlxalq məhkəməsinin müvəqqəti tədbirlərə dair qərarı məcburi xarakter daşıyır və tərəflər üçün beynəlxalq-hüquqi öhdəlikdir.
Qeyd edək ki, irqçi fars rejimin Xarici İşlər Nazirliyi ABŞ-ın Tehrana qarşı bir sıra sanksiyalarının tətbiqinin dayandırılması barədə məhkəmə qərarını razılıqla qarşılayıb.
