GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Tehran şəhərindən seçilən semnanlı millət vəkili Mustafa Kəvakebian irqçi və işğalçı fars rejimin təhsil nazirinin irqçi bəyanatına dəstək verdi.
Kəvakebian rejimin təhsil nazirinin irqçi bəyanatını əsaslandırmağa cəhd edərək, iddia edib ki, “konstitusiyaya görə ortaq əlifba və dil, fars dilidir. Bütün sənəd və dərsliklər də bu dildə olmalıdır. Lakin yerli dillərdən məsələn, kütləvi informasiya vasitələrində istifadə etmək olar. Ona görə də nazirin dərslərin farsca keçirilməsinə dair sözləri doğrudur.”
O həmçinin deyib ki, “məktəblərdə yerli dillərin tədris olunması, insanların türk, kürd və lor dilində danışması heç bir problem yaratmır.”
Qeyd edək ki, Mustafa Kəvakebian bir müddət öncə isə irqçi yanaşma sərgiləyərək Azərbaycan türk millətini təhqir etmişdi.
