GADTB Güney Azərbaycan Demokratik Türk Birliyi
GADTB; “The Wall Street Journal” qəzeti xəbər verir ki, bu gün səhər saatlarında SEPAH terror təşkilatı Hörmüz boğazı yaxınlığında iki ticarət gəmisini raketlə hədəfə alıb.
Hədəflərdən birinin Qətərin “Nakilat” şirkətinə məxsus olduğu ehtimal edilən Al Rekayat yanacaq tankeri olduğu bildirilir. Qəzetin dərc etdiyi radio rabitəsinə görə, gəmi mühərrik otağının üst hissəsi yaxınlığında zərbə alıb, nəticədə yanğın və güclü tüstü yaranıb. Bildirilir ki, ekipaj üzvləri arasında xəsarət alan olmayıb.
Britaniyanın Dəniz Ticarəti Əməliyyatları Mərkəzi (UKMTO) də Omanın şərq sahilləri yaxınlığında bir tankerin naməlum mərmi ilə vurulduğu barədə məlumat aldığını açıqlayıb. Məlumata görə, gəmidə yanğın baş versə də, insan itkisi və ya ətraf mühitə ziyan barədə məlumat yoxdur.
