GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dekabrın 17-də Avstaraliyanın paytaxtı Sidneydə erməni terrorunun qurbanı olmuş mərhum Türkiyə konsulu Şarık Arıyak və attaşe Engin Severin anım mərasimi keçirilib.
Qeyd edək ki, türk diplomatları 1980-ci ilin 17 dekabrında erməni ASALA terror təşkilatı tərəfindən şəhid ediliblər.
Avstraliyada yaşayan azərbaycanlı mühacir, diaspora fəalı, Avstraliya Azərbaycan Assosiasiyasının nümayəndəsi Mikayıl Oytanın cebhe.info-ya verdiyi məlumata görə, tədbir Türkiyənin Sidneydəki baş konsulu Melih Karalal tərəfindən təşkil olunub. Mərasimdə Türkiyə və Azərbaycan diasporalarının fəalları iştirak edib.
Qeyd edək ki, sayın Mikayıl Oyta həmçinin GADTB-nin xarici əlaqələr departamentinin sədridir.
