GADTB Güney Azərbaycan Demokratik Türk Birliyi
GADTB: Siyamək Mirzayinin ailəsinə yaxın mənbələrdən daxil olan məlumata görə, azərbaycanlı fəal barəsində bir aylıq həbs-qətimkan tədbirinin müddəti başa çatsa da, o, girov müqabilində azadlığa buraxılmayıb və barəsindəki həbs-qətimkan tədbiri uzadılıb.
Məlumata əsasən, Mirzayinin ailəsi onun girov qarşılığında azad ediləcəyinə ümid edərək prokurorluğa müraciət edib. Lakin iş üzrə müstəntiq Həsən Kərimi onlara bildirib ki, Siyamək Mirzayinin həbs müddəti uzadılıb və hazırda onun azadlığa buraxılması mümkün deyil.
Halbuki, bundan əvvəl həmin müstəntiq ailəyə bildirmişdi ki, bir aylıq həbs müddəti başa çatdıqdan sonra girov qarşılığında azadlığa buraxılması üçün şərait yaranacaq. Bu vədin yerinə yetirilməməsi ailənin narahatlığını və qeyri-müəyyənliyini daha da artırıb.
Siyamək Mirzayi 7 tir 1405-ci il tarixində Ərdəbildə təhlükəsizlik qüvvələri tərəfindən Əli Vasiqi və Əsgər Əkbərzadə ilə birlikdə saxlanılıb.
Bundan əvvəl yayılan məlumatlarda bildirilmişdi ki, hər üç azərbaycanlı fəala qarşı “qanunsuz qruplara üzvlük” və “rejim əleyhinə təbliğat aparmaq” ittihamları irəli sürülüb.
