GADTB Güney Azərbaycan Demokratik Türk Birliyi
GADTB: Güney Azərbaycanın incisi sayılan Urmiya son yağışlardan sonra müəyyən dərəcədə canlanıb.
Artıq köçəri quşlar yenidən Urmiya gölünün adalarına qayıtmağa başlayıblar.
Yaşayış şəraitinin nisbətən yaxşılaşması fonunda müxtəlif köçəri quş növləri bu ərazini yenidən dayanacaq və yaşayış məkanı kimi seçiblər.
Urmiya gölü adaları Güney Azərbaycanda yerləşən ən mühüm vəhşi təbiət məkanlarından biri sayılır və hər il minlərlə köçəri quşa ev sahibliyi edir.
Son illərdə su səviyyəsinin azalması və ekoloji problemlərlə gündəmə gələn göldə quşların geri qayıtması bölgədə ekoloji canlanmanın əlaməti kimi dəyərləndirilir.
