Şənbə , Yanvar 23 2021
azfa

Təbrizin bələdiyyə binası dağılmaq təhlükəsi ilə qarşılaşıb

GADTB-nin Mətbuat Mərkəzinə daxil olan məlumata görə, Təbrizin bələdiyyə binasından şəhərin idarəçiliyi üçün istifadə edilməsi, Təbriz Şəhər Şurasının iclaslarının bu binada keçirilməsi və binanın mühafizə edilməməsinə görə həmin tarixi əsər dağılmaq təhlükəsi ilə qarşılaşıb.

Təbriz Şəhər Şurasının üzvü Qulamhüseyn Məsudi Reyhan İRNA xəbər agentliyinə müsahibəsində son illərdə binada eroziya baş verdiyini və təcili təbdir görülməzsə binanı qurtarmağın mümkün olmayacağını bildirib.

Şəhər Şurasının üzvlərinin hamısı bu möhtəşəm tarixi binanın muzeyə çevrilməsi barədə həmfikir olsalar da yaxın gələcəkdə binanın şura üzvləri tərəfindən boşaldılması və muzeyə çevrilməsi gözlənilmir. Çünki, illər öncə Təbriz Şəhər Şurasının üzvləri binanın muzeyə çevrilməsi və bələdiyyənin şəhər şurasının iclaslarını keçirmək üçün yeni bina inşa etməsinə dair layihə təqdim etməsinə rəğmən bu barədə heç bir iş görülməyib.

Qeyd edək ki, Təbriz Bələdiyyə Binası 1936-1940 illəri ərzində Təbrizin həmin dönəmdə bələdiyyə başçısı Ərfəülmük Cəlili tərəfindən inşa edilmiş, daha sonra İkinci Dünya müharibəsi zamanı Azərbaycan Milli Hökumətinin mərkəzi olaraq istifadə edilmişdir. Azərbaycan Milli Hökuməti dönəmindən qalan bir sıra sənədlər bu binanın muzey bölməsində saxlanılır. Sarayın saat qülləsinin hündürlüyü 30 metrdir və memarlıq baxımından o dönəmdə alman memarlığından ilham alması diqqət çəkir. Binaya yuxarıdan baxındığında bir uçan qartal şəklində olduğu məlum olur.

Həmçinin yoxlayın

Ermənistanın Azərbaycana qaytaracağı Kərki və Qazaxın 7 kəndi barədə yeni xəbər

GADTB-nin Mətbuat Mərkəzinə daxil olan məlumata görə, Naxçıvanın Ermənistan işğalında qalan Kərki kəndində yaşayan ermənilər …

Rejim Azərbaycan türklərinə aid olduğu üçün “Yağış” jurnalının fəaliyyətinə son qoydu

GADTB-nin Mətbuat Mərkəzinə daxil olan məlumata görə, irqçi fars rejim  Azərbaycan Azərbaycan türklərinə aid olduğu …